Tijelo muške bebe pronađeno je u kanti za smeće između zgrada u podgoričkom naselju Blok 9 potvrđeno je Portalu RTCG iz Uprave policije. Kako saznajemo, uviđaj je završen, a policija radi na utvrđivanju identiteta majke djeteta.
Kako piše Libertass, kesu u kojoj se nalazilo beživotno tijelo djeteta, navodno, pronašao je radnik “Čistoće”, čisteći korpu za otpatke.
Prvo je, prema nezvaničnim informacijama Libertasa, “pomislio da je riječ o lutki”. Odmah je obavijestio policiju o svemu.
Uviđaj su izvršili policija i tužilac.
Prema nezvaničnim informacijama, zatražen je nalog za obdukciju tijela djeteta.
Na mjestu gdje je pronađena mrtva beba, okupili su se mještani. Kažu da su šokirani.
